ISANG araw habang nagtatanggal ng kaniyang mga sinampay ay dumating sina Asyong at Buboy. Nagulat pa siya nang makitang kasama ng mga ito si Reese. Mahigit isang linggo rin kasi itong hindi nagpakita sa kaniya simula nang patigilin na niya sa panliligaw. Mukhang tinanggap na nga talaga ng binata ang pagkabigo sa kaniya.
At sa isang linggo na walang Reese ang nangulit kay Ganda ay hindi naman niya ito hinanap-hanap. Kaya napatunayan niya na tama ang kaniyang naging desisyon.
Pero bakit ngayon na nakita na niya uli ang binata ay saka lang niya naramdaman na parang na-miss niya ito?
"Hi, Ganda. Nandiyan na ba ang Nanay Teresita at Tatay Piko mo?" tanong sa kaniya ni Buboy nang makalapit ang mga ito.
Napansin agad niya na may mga dalang paper bag ang mga ito na ang laman ay mga alak at m
