WALA na sa tabi niya si Reese nang magising si Ganda kinabukasan kahit alas kuwatro pa lang naman ng madaling araw. Nasa gitna na siya na rin ng kama siya at nakaayos na ng higa. Nagsalubong ang mga kilay niya nang parang may malasahan siyang mapait sa mga labi niya. Ngunit hindi na lang niya iyon pinansin. Baka panis na laway lang niya.
Lumabas siya ng kuwarto. Pero kahit sa buong bahay ay wala na rin ang binata. Nakasara naman nang maayos ang pinto.
Hindi niya mapigilan ang mapasimangot dahil sa pag-alis nito nang walang paalam. Ni hindi man lang nag-thank you sa pagpapatulog niya sa higaan nito. Ngunit ipinagkibit-balikat na lang iyon ng dalaga. Ano pa ba ang asahan niya sa walang modo na gaya ni Reese?
Baka sa sobrang kalasingan nito kagabi ay napagkamalan siyang si Lyka. Tapos nan
