"MAY pa-secret-secret pa kayong nalalaman. Ikaw lang din naman pala ang magiging escort ko," sita niya kay Buboy habang nakasakay na sila sa float at papunta na sila sa kung saan magsisimula ang parada. Nasa likuran nila ang dalawang bakla na nag-ayos sa kaniya kanina.
"Bakit? Dismayado ka ba na ako ang escort mo at hindi si Reese?" tudyo sa kaniya ng kaibigan.
"Sira! Bakit naman ako madidismaya? At saka, hindi ko naman inaasahan na siya ang magiging escort ko kasi alam kong kay Lyka siya."
Tinawanan lang siya nito. "Siya nga talaga sana ang magiging escort mo kung hindi lang siya napilit ni Lyka."
"Mabuti naman! Hays, thank you talaga sa babaeng iyon at nilubayan na ako ng makulit na kaibigan mong 'yon."
"Akala mo lang 'yon."
"Ha? Ano ang ibig mong sabihin?"
Tumawa lang si Buboy.
