DAHIL mapilit si Buboy at binalik-balikan din siya ni Kapitana May kaya pumayag na rin si Ganda na sumali sa pageant. Tutal, hindi pa rin naman umuuwi ang kaniyang ina at nobyo nito.
Nangako naman sina Buboy at Asyong na ang mga ito na ang bahala sa mga susuotin at iba pa niyang pangangailangan. Nagsimula na rin silang namigay ng sobre. At sa tatlong araw na pagpunta-punta sa practice, kahit papaano ay natuto na rin siya sa tamang pagrarampa. In fact, marami nga ang nagsasabi na siya raw ang pinakamagaling kumembot at maglakad sa entablado. May future daw siyang maging isang modelo.
Sabagay, noong bata pa si Ganda ay pangarap na talaga niyang maging isang ramp model. May pera pa sila noon dahil kasama pa nila ang kaniyang ama kaya nakakapagpabili siya ng sandals na may heels.
Unti-unt
