BIGLANG natakot si Sky Jewel nang marinig ang sinabi ni Reese. Posibleng makasalubong nga niya ang malaking buwaya na humahabol sa kaniya kanina. Ngunit hindi ibig sabihin niyon ay sasama na siya sa lalaking ito.
Kung talagang naniniwala ito na siya si Ganda, baka isipin pa nito na nakalimutan na niya ang ginawa nito sa kaniya noon.
Pero ang isang malaking katanungan sa isip ngayon ni Sky Jewel ay kung bakit parang hindi man lang ito nagulat na buhay siya. Samantalang ang alam ng lahat ay matagal nang patay ang isang Ganda Crisostomo.
"What are you waiting for?" biglang tawag sa kaniya ni Reese na ikinapitlag niya. "Sumakay ka na rito para maihatid na kita sa pupuntahan mo. Baka sabihin mo pa na napaka-ungentleman ng isang Reese Balinger."
Napasimangot ang dalaga. Isasakay lang naman
