"CAN I?" malambing na tanong sa kaniya ni Reese nang tumigil sandali ang kamay nito sa kaniyang tiyan.
Palad pa lang nito ang nakapatong sa sensitibong balat niya ay para nang sinilaban ang pakiramdam ni Sky Jewel.
"R-Reese..." muli niyang usal sa pangalan nito. Hindi niya kayang sagutin nang direkta ang tanong nito na naintindihan naman niya ang ibig sabihin.
"Please say that you want it, too," bulong nito pagkatapos na kinintalan ng halik ang mga labi niya. Habang ang kamay naman nitong nasa tiyan niya ay dahan-dahan na humahaplos paakyat sa kaniyang dibdib.
Dumako ang mga halik ni Reese sa kaniyang pisngi, pababa sa kaniyang punong-tainga, pababa sa kaniyang leeg.
Napahagikhik na naman si Sky Jewel nang makiliti siya. Ngunit hindi naglaon ay napalitan na ng init ang kiliti na i
