PAKIRAMDAM ni Sky Jewel ay nanginig siya sa kaba nang makarating sila ni Reese sa entertainment room. Doon siya nito dinala mula sa kusina, sa halip na sa kuwarto nito.
Halos hindi nalalayo sa entertainment room ni Boss ang kuwartong iyon, bukod sa iba't ibang gadgets tulad ng PlayStation at malaking television set ay mayroon ding billiard table na makikita roon. May naka-set up din na dartboard sa isang parte ng wall. At may maliit na lamesa na napapalibutan ng mga upuan na ginagamit para sa chess or board game.
"Bibigyan pa kita ng chance para umurong," pabirong wika sa kaniya ni Reese nang isara nito ang pinto.
Lumunok ang dalaga. "N-no. Hindi ako duwag para umurong."
"Last chance," sabi pa ng binata. Parang nagtataka na tumingin siya rito nang umatras ito nang isang hakbang mula
