MAY tatlong araw na rin sa Isla Bella si Sky Jewel. Pasalamat siya na tatlong araw na iyon ay wala namang pumunta roon na mga tauhan ni Boss para hanapin siya. Mukhang wala na nga talaga itong pakialam sa kaniya at hinayaan na siyang makatakas. O baka hindi rin nito inakala na sa isla ni Reese siya mapapadpad.
Sa tatlong araw na pananatili niya roon ay nalaman niya mula kay Aling Rosa na tuwing katapusan ng buwan umaalis si Reese para bumalik sa siyudad. Mga isang linggo iyon simula ngayong araw.
At napagplanuhan na ng dalaga kung paano siya makakasama sa pag-alis nito.
Sinadya ni Sky Jewel na gumising nang mas maaga kaysa sa oras ng paggising ni Aling Rosa. Balak kasi niya na siya naman ang magluto ng almusal. Napansin niya kahapon ang laman ng refrigerator. Halos puro Filipino foods
