"PUWEDE ba akong makigamit ng banyo?" tanong sa kaniya ni Reese pagkatapos niya itong painumin ng sara-sara. Napansin niya na nakahawak ito sa tiyan. Dinig na dinig din niya ang pagkukulo ng tiyan nito na kanina pa niya lihim na ikinakatawa.
"Sinabi ko naman kasi sa'yo na hindi ka puwede niyon kasi hindi sanay ang sikmura mo. Ang kulit mo kasi." Pigil ang tawa na tiningnan niya ito. "Umuwi ka na lang sa inyo at doon ka na magbanyo."
"Pero baka abutan ako sa daan kung uuwi pa ako sa'min." Nahihiya na napahaplos sa batok nito si Reese. Ngunit ang isang kamay ay nakahawak pa rin sa tiyan. "Sobrang sakit na talaga, eh."
"Eh, 'di ba may sasakyan ka naman? Kaya mo pa 'yan," pagtataboy niya rito.
"Naglakad lang ako mula sa'min hanggang dito sa inyo."
"Ha? Nilakad mo talaga mula Ramona's Mans
