Chapter 26
Kasalukuyang nagbabasa ng report ang Boss nang may kumatok ng tatlong beses sa pinto ng opisina niya. Mayamaya'y pumasok ang isang lalaki na may dalang itim na folder.
"Ano na ang balita sa pinapagawa ko?" Tanong ng Boss na hindi man lang nag-abalang tingnan ang lalaki.
Marahang inilapag ng lalaki ang folder nitong dala sa mesa.
"Marami pa akong gagawin. Wala na akong panahon para basahin pa 'yan," Sabi ni Boss.
Napalunok ang lalaki. Alam na niyang ganito ang mangyayari kaya hinanda na niya ang kanyang sarili.
"Ayon sa nakuha kong impormasyon, ang buong pangalan ng pinapahanap niyo ay Clay Hidalgo Castillo. 28 years old. Single, tubong Santa Lucia at kasalukuyang naniniharan sa San Lorenzo Ruiz. Nag-iisang anak. Ang ama nito ay isang mekaniko at ang ina naman nito isang ma
