KAHIT pinalabas ni Mia si Drake ng silid ay matyaga itong naghintay sa labas. Mahigit dalawang linggo din niyang binigyan ng freedom si Mia para makapagpahinga ito at hindi ma-stressed na makita siya. Kaya kahit sobrang bigat sa loob niya na lumilipas ang mga araw na hindi nakikita at nakakausap ang asawa ay nagtiis na muna ito. Sa pag-aakalang kapag lumamig na ang sitwasyon, mas madali na niyang makakausap ng masinsinan ito.
Akala niya ay magiging maayos na ang lahat na maayos ang pagkikita nilang dalawa. Pero heto at nagkaaberya. Aminado naman siyang gusto niyang mamatay ang matanda para sa kapakanan ni Mia. Pero wala siyang kinalaman sa nangyari. Marahil ay hanggang doon na lamang ang oras nito sa mundo. Pero ang masama? Siya ang lumalabas na pumatay sa matanda at tiyak niyang masusuk
