DINALA muna nila Mia ang Lolo nito sa pinakamalapit na hospital para maipagamot. Naiwan naman si Drake sa mansion na sinamahan ang mga katulong at bodyguard niyang natira na bigyan ng maayos na libing ang totoong Mia at ni Lucas sa likod ng mansion. Magkatabi ang puntod ng mga ito na binigyan ni Drake ng disenteng libing.
"Sir, hindi mo ba susundan ang asawa mo?" tanong ng tauhan nito na si Joey.
Napailing si Drake na namuo ang luha sa mga mata. Sa unang pagkakataon ay nadurog siya sa ginawa ni Mia. Hindi dahil sinampal siya nito kundi mas pinili nito ang iba kaysa siya na asawa.
"Galit siya sa akin, Joey. Ayokong ma-stressed ang asawa ko." Sagot nito na nilagok ang alak na laman ng baso nito.
"Pero habang nasa kamay ng kalaban si Ma'am Mia ay lalo lang siyang nalalagay sa panganib,
