Huling araw ng kanilang pananatili sa kanilang probinsya. Nagyaya si Jaspher na mag-picnic sa ilog na madalas puntahan nila Charlie at Maggy, noong mga bata pa sila. Kaya naman pinagtulungan nila ang paghahanda ng mga pagkain na kanilang dadalhin, at nagdala din sila ng mga blanket para may paglapagan ang mga iyon, at maupuan habang kumakain. Nilakad na lang nila ang patungo roon, dahil malapit lang naman iyon at hindi rin kakasya ang sasakyan.
Napa-wow naman ang mga kasama nila nang makita ang lugar. Agad na nagpulasan ang mga ito nang mailapag ang kani-kaniyang mga dala. Natatawa na lang siyang pinagmasdan ang mga ito. At ang malantod niyang bessy ay nakisali na din sa mga ito.
“Aren’t you joining them?” maya-maya’y tanong ni Jaspher sa kanya.
Nilingon niya ito na abala din sa pagla
