Mahabang katahimikan ang umalipin sa pagitan nina Vivian at Stephen nang hindi na ito umimik uli. Nakahilig pa rin ang ulo nito sa balikat niya na animo'y nagpapalmbing sa kaniya. Pareho silang nakatanaw sa kalawakan pero madilim na karagatan. Hindi niya alam kung ano ang laman ng isip ngayon ng binata. Pero sigurado siya na may malalim talaga itong iniisip. Samantalang siya ay paulit-ulit na binabalikan sa isip niya ang huling sinabi nito kanina.
"It's nice to be back here next to you. You calm me, my princess. You calm your knight's heart."
Ibig lang sabihin niyon ay may gumugulo talaga sa isip ngayon ni Stephen. Pero bakit kaya nasabi nito na siya ang nagbibigay ng kapayapaan dito?
"Ano ang iniisip mo?" mayamaya ay hindi nakatiis na tanong ni Vivian. Medyo worried na kasi siya rit
