Sa labas pa lang ng gate ng mansion ni Don Herardo ay napansin na ni Ice ang kumpol-kumpol ng pinakamatatapat na mga tauhan nito at ni Hendrix na nasa bakuran at mukhang naghihintay ng mahalagang utos mula sa kani-kanilang amo. Siguradong katulad niya ay pinatawag din ang mga ito para sa emergency na pagpupulong.
At alam ng lahat na hindi iyon ordinaryong pagpupulong lang dahil nangyayari lang na nagsasanib-puwersa ang mag-ama pagdating sa usaping pampamilya.
Nang makita ng security guard na nakabantay sa gate ang sasakyan ng binata ay agad nito iyong binuksan para makapasok siya. Kilala na siya roon kaya walang pag-alinlangan ang mga ito.
Kulang na lang ay sumagitsit ang gulong ng kaniyang sasakyan nang iparada niya iyon sa malawak na garahe, kung saan ay nakahilera ang mga mamahalin
