Maagang nagising si Vivian kinabukasan. Ang sabi kasi ni Ice, isasama raw siya nito sa pagpunta nito sa opisina ng Kuya Hendrix niya. Magsisimula na raw itong ipaalam sa kaniya ang mga itinatago nitong sikreto sa kaniya.
Magkahalong excitement at kaba ang nararamdaman ni Vivian nang bumangon siya.
Katulad ng napag-usapan nilang dalawa ni Ice ay binigyan siya nito ng sariling kuwarto niya. Mabuti na lang at mayroon dalawang kuwarto ang condo unit nito.
Pagkatapos maligo ay sinubukan ni Vivian na tawagan si Butch. Balak niyang humingi ng tulong dito para mahanap ang master ni Stephen at para alamin ang tungkol sa "The Mobster" na sinasabi ng Kuya Hendrix niya. Ngunit hindi niya makontak ang kaibigan.
Katunayan, nakaraan pa tinatawagan ng dalaga si Butch. Noon pa mang bago mapatay si St
