Nang makalabas sina Ice at Kuya Hendrix ay naghintay lang ng ilang sandali si Vivian at siya naman ang lumabas ng opisina ng kapatid niya. Pero sa pagkasorpresa niya ay bigla siyang pinigilan ng sekretarya nito.
"Pasensiya na ho kayo, Miss Mejica. Pero mahigpit pong ibinilin sa'kin ni Sir Hendrix na 'wag ko raw ho kayong palabasin ng office niya," wika nito at bigla siyang hinarang sa pinto.
"Really?" Tinaasan niya ito ng kilay. "Paano kung naiihi ako? O gusto kong mag-retouch ng makeup?"
"May comfort room po sa loob ng opisina ni Sir Hendrix."
Lihim na napamura sa isip niya si Vivian. She knew that, of course. Nag-isip na naman siya ng ibang palusot. "Eh, paano kung nagugutom ako?"
"Nagpabili na rin po si Sir Hendrix ng pagkain n'yo if ever daw po na magutom kayo. Nasa pantry na ho,
