"What are you doing here?" hindi pa rin makapaniwalang tanong ni Vivian kay Butch. Hindi dahil sa ayaw niya itong makita. Kundi nag-aalala siya na baka biglang dumating si Ice at magkita ang dalawa.
"Bakit? Hindi ka ba masaya na nagkita tayo uli?" tila naghihinampo na sabi ng kaibigan niya.
"No! It's not that," mabilis niyang tugon. "Ang tagal mo kasing missing in action, eh," hinaluan niya ng biro ang tono niya ngunit lalong nadagdagan ang pag-aalala niya nang malamang alam nga pala ni Butch kung paano buksan ang automated gate niya kaya ito nakapasok. Sinabi niya iyon dito noong magkasama pa sila sa INTERPOL.
Mabuti na lang at napalitan na niya ang sa maindoor ng bahay.
Nang sa tantiya ni Vivian na malapit nang dumating si Ice ay naisipan niyang dalhin sa loob ng bahay si Butch. Ma
