Nang magsalubong muli ang mga mata nila ni Ice ay inirapan na ito ni Vivian at muling hinarap si Stephen. "Ano na nga uli ang sinabi mo?"
Tumawa ang binata, dahilan para lumabas ang pantay-pantay na mga ngipin nito. Katulad na katulad nang kay Stephen noon. "Ang sabi ko, buti at hindi kayo nade-develop ni Kuya Ice sa isa't isa."
Muntik nang masamid sa kaniyang kinakain si Vivian dahil sa narinig niya na tinuran ni Stephen. Mabilis naman itong nagsalin ng tubig sa baso at hindi lang basta iniabot sa kaniya kundi ito pa mismo ang nagpainom niyon sa kaniya. At hindi naman iyon tinanggihan ng dalaga. Ibinuka niya ang bibig at uminom sa basong hawak-hawak ng lalaki.
Nang dahil sa pagpapainom nito sa kaniya kaya nagkalapit nang husto ang katawan nilang dalawa at halos magbungguan na ang kanil
