Nang gabi ding iyon ay nahuli ng mga police ang grupo ni Thomas at siniguro ni Vivian na makukulong ito at hindi na makalaya para saktan siya. Ibig sabihin niyon ay wala nang banta sa buhay niya. Kaya hindi niya alam kung bakit itinuloy pa rin ni Ice ang two days na pagiging grounded niya. Bawal pa rin daw siyang lumabas ng apartment nito sa loob nang mga araw na iyon. Umuwi tuloy sila na may hinanampo siya kay Ice. Kahit pa sobra ang pasasalamat niya rito kanina dahil sa pagligtas sa kaniya.
Nakapikit pa na uminit si Vivian nang magising siya kinaumagahan. Kahit masama ang loob niya kagabi ay nakatulog pa rin siya nang mahimbing. Siguro dahil na rin sa nakainom siya. Iyon nga lang, naramdaman niya na medyo masakit ang ulo niya. Naipikit pa niya nang mariin ang kaniyang mga mata nang kum
