"Ano nga pala ang itatawag ko sa'yo kung ayaw mong ibigay ang pangalan mo?" tanong ni Vivian sa estranghero pagkatapos mamayani ng katahimikan sa buong paligid. Hanggang ngayon kasi ay pinapanindigan nitong huwag ibigay sa kaniya ang pangalan nito.
Ang damot naman. Pangalan lang, eh. Pero ayaw pang ibigay. reklamo ni Vivian sa isip niya.
"Just call me anything you want," sagot nito sa seryosong boses.
"Wala nga akong maisip, eh. Bakit kaya hindi na lang ikaw ang magbigay ng kahit fake name man lang?" suhestiyon niya.
Hindi tumugon ang lalaki at narinig lang niya ang marahang pagtawa nito.
Samantalang si Vivian naman ay nagsisimula nang mag-isip kung ano ang itatawag dito kahit ayaw sana niya. Kaso ang hirap namang makipag-usap sa isang tao na wala kang alam sa kaniya kahit na pangalan
