Simula ng mawalan ng malay si Priya ay hindi na sila muling nagkita pa ni Alken.
Hindi niya alam kung nasaan ito at wala rin siyang pakialam kahit hindi ito umuuwi sa mansyon.
Mas panatag ang loob niya kapag wala ito at mas pabor sa kaniya kapag hindi niya ito nakikita.
Pakiramdam niya kasi ay parang isang lason si Alken na unti-unti at dahan-dahan siyang pinapatay ng lason.
Gumaling na si Priya sa lagnat at mas naging mabuti na ang pakiramdam niya.
Ilang araw na rin ang lumipas at hindi na rin siya sinugod pa ni Kathy dahil pinagbabawalan na itong makapasok sa mansyon.
Hindi niya alam kung ano ang dahilan dahil hanggang ngayon ay hindi pa rin siya makapaniwala na kayang gawin iyon ni Alken sa kaniyang hipag.
Hanggang ngayon ay hindi pa rin na proseso ng utak niya ang mga nan
