"Hoy! Babaeng parang clown!" galit na wika ni Lena at binalik din nito sa babae ang pakiramdam ng ginawang pang-iinsulto nito kay Priya.
Gustong pahiyain ni Lena ang babae gaya ng ginawa nito sa kaibigan niya para maranasan nito kung ano ang pakiramdam ng pinapahiya sa harap ng maraming tao.
Wala siyang pakialam kahit na pinagtitinginan na sila ng mga tao dahil wala siyang pinapangalagaan na reputasyon gaya ng mga mayayaman na mga tao na nandito sa mall.
Tiningnan ni Lena ang babae mula ulo hanggang paa. "Akala mo ba maganda ka? Ang pangit-pangit mo at kung meron mang makapal ang mukha rito ay ikaw iyon. Nagtatago ka lang naman sa mamahaling mga kolorete para hindi makita kung gaano ka kapangit. Kung gaano ka pangit ang mukha mo ay ganoon din ka pangit ang ugali mo! Siguro wala kang
