"Hey, guys! Alam niyo ba kung sino ang babaeng ito!" Tinuro niya si Priya gamit ang kaniyang buong palad. "Siya lang naman si Priya Mill, ang babaeng pumatay kay Mina Fortiche," patuloy niyang ani.
Nag-ingayan ang buong paligid at sinusubukan ni Ante Nancy na hilahin si Priya papalayo ngunit nagtipon-tipon na ang mga tao.
Napapalibutan na sila kaya nahihirapan na silang makawala.
"Balak mo ba talagang ipahiya ako?" lakas loob na tanong ni Priya sa babae.
"Ano naman ngayon? Wala kang magagawa!" masungit nitong tugon at tila tuwang-tuwa ito sa nangyari kay Priya.
Tiningnan ni Trisha ang mga tao sa buong paligid bago nagpatuloy sa pagsasalita.
"Nakalabas na ang kriminal at ngayon ay tatanungin ko kayong lahat. Deserve ba ng babaeng ito ang kalayaan? Kung tumututol kayo pwede niyo
