Chapter 11
Zoe POV
WALANG kibong sumunod ako kay Enzo hanggang makarating kami sa k'wadra. Kinuha niya ang kabayo kong si Luna.
"Libutin natin ang buong hacienda, Zoey," anyaya sa akin ni Enzo. "I-enjoy natin ang huling araw mo bilang dalaga," natatawang dugtong nito.
"Sira ulo ka talaga," nakangising sagot ko.
"Gusto mo magpa bridal shower pa ako with matching macho dancer pa. May kilala ako sa bayan," patuloy nito sa may himig birong tinig na sinabayan ng kindat.
Isang ngiti lamang ang isinagot ko sa binata, habang nilalabas namin si Luna sa kwadra at isa pang kabayo na sasakyan niya. Nang biglang sumeryoso ang anyo ni Enzo.
"Kapag lumipas ang isang taon at hindi ka pa rin natutunang mahalin ni Orion, bumalik ka sa akin, Zoey Kathryn Bustamante, handa kitang tanggapin bestfriend,"
