Chapter 12
Zoe POV
PAGDATING ko sa villa, dumiretso ako sa aking silid. Ibinagsak ang basang katawan sa kama at umiyak nang umiyak. Hindi ko ginusto ang sinabi ko kanina pero wala akong choice.
Naiinsulto ako at napapahiya sa mga sinasabi sa akin ni Orion. Bakit ganito na lang ang pagtrato niya sa akin? Wala akong matandaan na may ginawa akong kasalanan sa kanya.
Isang banayad na dantay sa mga balikat ang nagpabalikwas sa akin.
"Bakit ka umiiyak, Zoey? Inaway ka na naman ba ni Daniel?" tanong ni Manang Lagring.
"Kung ano-ano lang po ang sinasabi niya sa akin, Manang..." bumangon ako at naupo sa gilid ng kama.
"Nakita ko si Daniel kanina, nagmamadaling bumaba sa kabayo at ikaw yata ang hinahabol. Mukhang galit na galit, papaakyat na sana sa hagdanan pero tinawag ni Señyor Robert. Ano
