Chapter 15
Zoe POV
"MABUTI'T naisipan mong puntahan ako," sabi ni Enzo habang hinila ang upuan para sa akin. Nakatingin siya sa akin, at sa mga matang puno ng pag-aalala.
Nagpunta ako sa resto bar na pag-aari niya rito sa bayan. Isang chef si Enzo bukod sa pagiging horse rider na kinahiligan niya lang.
"Wala akong magawa sa hacienda," mahinang sagot ko sabay upo sa upuan, ang pait ng aking nararamdaman ay hindi ko maipinta.
Ngumiti si Enzo, ngunit ramdam ko ang sakit na nakatago sa likod ng kanyang mga mata. "Sa pagkakaalam ko, ang mga newlyweds na katulad mo, nasa honeymoon o di kaya nagkukulong sa kwarto ng mga ilang araw," kantiyaw niya sa akin.
"Eh, sa gusto kong umalis, 'noh! Pakialam ba niya, sakit sila sa mga mata ko," nakangusong sabi ko, na pilit tinatago ang pait sa aking d
