Chapter 16
Zoe POV
PALABAS na kami sa parking lot nang makasalubong namin ang pamilyar na Ford Expedition.
"Enzo, wait," sabi ko, inutusan ko siyang magmenor ito sa pagmamaneho.
Nang tumapat ang sasakyan ni Enzo sa Ford Expedition ibinaba niya ang salaming bintana sa gawi ko. Nagtama ang tingin namin ni Daniel, namumula ang mukha nito sa galit.
"Bumaba ka diyan at sumabay ka sa akin pauwi, Zoey," sabi nito, lumagpas ang paningin niya sa akin patungo kay Enzo. Napansin ko ang mahigpit na pagkuyom ng mga kamao niya sa manibela. Kung apoy ang inilabas ng mga mata nito'y kanina pa siguro kami nagsikalab na dalawa, ngunut balewala sa akin iyon.
Sa halip na kausapin ko siya, "Let's go, Enzo," utos ko sa lalaki na paandarin ang sasakyan. Titingnan ko, kung hahabulin ba niya ako? Sana nga, k
