Chapter 14
Zoe POV
NAPABALIKWAS ako nang magising kinabukasan ng makarinig ako ng mga ingay mula sa may swimming pool.
Buong magdamag akong naghintay kay Orion kagabi pero hindi siya umuwi. Natapos ko na lang ilipat ang mga gamit ko sa kwarto niya, walang pa ring Orion na umuwi hanggang sa makatulugan ko na lamang ang paghihintay sa kanya.
Hindi ko alam kung anong klaseng emergency ang nangyari kay Veronica at talagang ganoon na lamang kanyang pag–aalala sa babae. Pinipilit kong intindihin at unawain ang sitwasyon pero ayaw ng aking isipan na tanggapin ang lahat. Dahil, siguro ay asawa na niya ako ngayon at saang anggulo tingnan, ako ang mas may higit na karapatan.
Bumangon ako sa kama. Matapos ayusin ang sarili ay nagmadali akong bumaba. Nakita ko sa swimming pool si Orion. At hindi
