Habang hinintay na bumaba ang may-ari ng sasakyan ay may hinala na akong ang baklang si Jay ito at kaya siguro huminto sa mismong harap ng bahay namin ay dahil namataan niya itong boyfriend niya na kausap ko.
Bahagyang nanlaki ang mga mata ko nang makita kung sino ang preskong bumaba ng sasakyan at parang haring naglakad palapit sa'kin. Tama nga ang hinala ko, basta mamahalin at magarang sasakyan ay walang duda, bakala ng may-ari. Hindi man si Jay iyong bumaba tulad ng inaasahan ko pero kapederasyon niya pa rin!
"You look ugly, " deretsahang sabi ng bagong dating sabay hawi ng buhok kong nakaharang sa mukha ko.
Ngali-ngali kong sungalngalin ang gwapong mukha ni Phil pero mabilis na itong umalis sa harapan ko at muntik pa akong natabig nang dire-diretsong pumasok sa bahay namin na p
