Maganda iyong tulog ko kinagabihan dahil sobrang lambot at lapad ng hinihigaan kong kama.
Napaaga lang iyong gising ko dahil sa isturbong kasalukuyang kumakatok sa pinto ng silid ko.
Sigurado akong hindi si Phil ang nasa labas dahil hindi naman marunong kumatok ang isang iyon.
Mabilis akong bumangon baka isa sa mga katulong ang kumakatok.
Nakakahiya naman baka isipin nila ay paimportante ako.
Mabilis kong binuksan iyong pinto kahit medyo malabo pa iyong mga mata ko dahil sa antok.
Ganito talaga ako tuwing umaga, kakagising pa lang pero inaantok na agad.
"Baka nakalimutan mo may trabaho tayo ngayon."
Parang bigla akong nagising nang makita ang nakahalukipkip na si Zandro sa harapan ko nang buksan ko iyong pinto.
Nakaayos na siya at mukhang papasok na sa opisina habang ako ay wala p
