"Pagpasensyahan mo na ang inasta ng anak namin, Liandro. Sadyang masakit lang talaga ang nalaman namin," hinging paunmanhin ni Hoseff sa hindi naging magandang paguusap nina Cennon at Shantice.
"Humihingi rin ako ng tawad sa pagpayag namin na ilihim ang tungkol sa apo natin. Inirespesto lang namin ang desisyon noon ni Shantice, gustuhin ko man na iparating sa inyo, nakiusap ang anak ko na ilihim, kung ako lang ang masusunod noong panahong iyon, pinuntahan ko na si Cennon sa US para panagutan niya ang anak ko," mahabang paliwanag naman ni Liandro.
"Nauunawaan namin, masiyado lang din komplikado ang naging ugnayan ng dalawa, pero naniniwala ako na hindi pa naman huli ang lahat, mahaba pa ang panahon para makabawi si Cennon kay Shawn."
"Pero sana ay h'wag maging mitsa ito ng pagkakaroon ng
