CHAPTER 59
"Alex, sorry ha? Alam kong ako ang dahilan kaya ka na-evict ni Kuya,” sabi ko sa kaniya habang patuloy ang pag-agos ng aking luha.
"Ano ka ba? Ginawa mo lang ang tama at ako rin. Ginawa ko rin kung anong tama. Saka di ba sinabi naman ni Kuya na hindi tungkol doon ang dahilan kundi sa pagka-reveal ko nga na bestfriends tayo?”
Nang mga oras na iyon, gusto kong sabihin na hindi kapani-paniwala na dahil lang doon. Alam ko, si Kai pa rin ang dahilan. Ang usapan kasi dati, kasama sa mga nominated pero hindi para ma-evict.
“Lagi mong isipin na wala kang kasalanan. Saka ang mahalaga sa akin ay ipinagtanggol ko ang kaibigan ko at gawin ang alam kong nararapat kaysa sa manatili dito. Alam mo? Hindi ko pinagsisihan iyon. Kung magkakaroon pa rin ako ng pagkakataong mamili kung gagawin
