Chapter 58
Ilang segundo lang naman iyon at bumitiw na rin naman ako agad sa pagkakayakap ko sa kanya.
"Ano, okey ka na? Nakapaghugas ka na ba pati ang iyong kalooban?” tanong ni Alex.
“Anong pinagsasabi mo? Oo, tapos na. Wala naman na akong putik sa katawan at mukha, hindi ba?”
Tinignan niya ang mukha ko. “Wala na. Sana yung nandito mo, wala na rin,” itinuro niya ang puso ko. “Tara na, balik na tayo sa task natin.”
Tumango ako. Bago kami umalis, nilingon ko si Zeke. Nagkatinginan kami.
"Andaming mahabang buhok na nalagas oh, kanino kaya ang mga buhok na ito?" parinig ni Alex habang paahon kami sa pinagliguan naming irigasyon. "Mukhang naligo din si Rapunzel dito ano ang hahaba ng mga nalagas na buhok oh?"
Kinurot ko siya sa tagiliran. "Nagagawa mo pa ring mang-asar, ano? Alam mo b
