CHAPTER 60
Paggising namin kinabukasan ay tahimik pa rin kami dahil bigla naming na-miss ang ingay at mga linyang nakatatawa ni Alex. Nang matapos kaming ang agahan ay tinipon kami ni Kuya sa Confession Room.
"Housemates, gusto ko lang sabihin sa inyo na ito na ang huling araw at huling gabi na makakasama ninyo ang mga amo ninyo.”
Nagkatinginan kami. Hindi namin alam na hindi pa pala tapos ang task namin kina Zeke at Kai.
“Bumabalik ang dalawa ninyong amo para tapusin ang inyong task sa linggong ito. Sana may natutunan kayong leksiyon sa nangyari kay Alex. Paglabas ninyo sa aking bahay ay isang bagong mundo ang naghihintay sa inyo. May mga tanong kayo?”
Huminga ako nang malalim. Lalo na akong nakaramdam ng lungkot.
“Wala na po kuya,” sagot nina Paolo, Jane at Eldrin.
“Sige na housem
