Mas pinili ko na lamang na umuwi sa bahay namin. Para maibsan naman yung kahihiyan na dinanas ko. Nahihiya ako dahil nag-away pa sila ng dahil sa akin. Ano na lamang ang sasabihin ni Lola Clara kung sakaling malaman niyang nag-jumbagan ang dalawa niyang apo nang dahil sa magandang anak ng tauhan nila? Eh di baka magalit pa sa akin si Lola at palayasin na kami sa hacienda?
Naabutan ko si Nanay na nagluluto ng pananghalian sa abuhan.
“Anong nangyari sa’yo?” Kunot noo niyang tanong sa akin nang makita niya akong itinatali sa puno si Laki.
“Wala po nay, araw ng laba niyo ngayon diba? Ako na lamang ang gagawa.” Wika ko kay Nanay. Gusto ko kasing abalahin ang sarili para hindi ko maisip ang mga nangyari kanina.
“Talaga? Mabuti pa nga. Siya! dalhin mo na ang mga labada natin sa ilog para m
