Hindi pa siya nakakababa sa kabayo ay palipat-lipat na ang tingin niya sa amin ni Sir Terrence. Seryoso lang siyang nakatingin sa amin. Habang ako naman ay kinakabahan na nang hindi ko malaman ang dahilan. Pakiramdam ko tuloy may ginawa akong mali sa mga tingin niya. Naisubo ko tuloy ang kalahati ng binalatan kong kamote kanina.
“Sir Lawrence, mabuti naman po at pumasyal kayo sa hacienda. Kasalukuyan po kaming nag-memeryenda baka gusto niyo?” Narinig kong wika ni Mang Faeng sa kanya. Tinapunan niya ito ng tipid na ngiti.
“Sige po katatapos ko lang din mag-agahan. Pumunta lang ako para sunduin ang girlfriend ko.”
Takte!
Inihit ako ng ubo dahil nasamid na naman ako sa narinig sa kanya. Hindi pa ako handang malaman ng mga tagarito na girlfriend niya ako pero siya na mismo ang nagbulg
