Kunot noo akong napatingin kay Sir Lawrence dahil sa paraan ng pagdampot niya ng pagkain. Para kasing butil-butil na kanin lang ang nasusubo niya samantalang kaming lahat ay lamon habang kinakamay ang pagkain sa ibabaw ng mesa na may sapin na dahon ng saging.
“Masarap ba?” Tanong ko.
“Yup, ang sarap. Saka, I like the presentation.” Nakangiting sagot niya. Nakita ko pa ang kanin sa sulok ng labi niya.
“Hahabulin ka ng manok sir Lawrence.” Wika ni Kuya Juan. Pinanlakihan ko siya ng mata dahil halatang hindi magets ni Sir Lawrence ang sinabi niya.
“Anong ibig mong sabihin?”
Nagtanong pa talaga. “Ah! Wala sir, sabi ni Kuya, galing daw sa manukan ‘tong adobong manok na kinakain natin.” Sagot ko. Tumango lang siya sa akin at ngumiti.
“Am, sir marunong ho ba kayong magkamay? Gusto niyo turu
