Ayaw ko sanang pumayag sa gusto ni Sir Lawrence dahil naiilang ako kung sasabay ako sa kanya sa iisang kabayo kaya lang wala naman akong maida-dahilan.
Nakita ko ang malaking ngiti ni Tanya dahil siguro sa sinabi ni Sir Lawrence na sa kabayo na siya ni Elias sumakay. Ang lapad ng ngiti ng bruha, kasing lapad ng hacienda. Kabaliktaran naman ng mukha ni Elias dahil mukhang ayaw nito sa edeya ni Sir.
Paglabas namin ng pinto ay bumungad sa akin si Laki. Hawak ni Elias ang tali niya pati na rin si Poet na kabayo niya.
Kaagad kong tinakbo si Laki.
“Laki! Na miss kita!” Gigil na hinalikan ko ang mukha niya habang hinihimas ang mahaba at kulay puti niyang buhok sa ulo. Mas bagsak pa ang buhok niya sa akin.
“Ilang araw pa lang kayong hindi nagkita miss mo na agad?” Natatawang tanong ni Tanya.
