Chapter Eight Part One
Debut
“HINDI ka talaga aabot?” Hindi na mabilang kung pang-ilang beses kong tanong sa kausap sa cellphone.
“Ibababa ko na ‘to. Paulit-ulit lang ang tanong mo Addison.”
Ipinadyak ko ang mga paa ko sa sahig ng kwarto ko at padabog akong nahiga sa kama ko. Inis kong ibinato ang unan ko nang babaan ako ng tawag ni Sander.
Paano na ang I love you ko ngayong taon?
Kung sino man ang ka-meeting niya ngayong gabi. Isinusumpa ko siya dahil kasalanan niya kung bakit hindi ako makakapag-confess kay Sander sa ikatlong beses.
Oo pangatlong beses na akong nagtatapat kay Sander ng nararamdaman ko na hindi na nagkaroon ng magandang sagot mula sa kanya.
It’s been a year since my 17th birthday. Sa gabing iyon muli akong nagtapat kay Sander at ipinangako ko sa kanya na taon-ta
