Chapter Sixteen
Acting
“Hindi ‘yon ganoon, Addie. Kailangan may linaw. Kung pagkain nga may label, relasyon pa kaya? You should ask him…”
Ipinilig ko ang ulo ko at itinuon ang atensyon sa pagtakbo sa treadmill. Kasalukuyan akong nasa gym matapos kong makipagkita kay Sammie kanina. Ilang linggo na akong hindi nakakapagehersisyo kaya mas pinili kong mag-gym kesa matulog pa ulit.
Kahit na puyat at ramdam ko pa rin ang epekto ng hangover sa ulo ko ay pasado alas-singko’y binulabog ko si Samantha para ihatid sa kanya ang accomplishment ko kagabi.
Her brother kissed me.
Kahit na kagabi pa iyon ay tila ramdam ko pa rin ang malambot niyang labi sa labi ko. Nanuyo ang lalamunan ko sa naisip at parang sira na natawa. Ramdam ang pamumula ng buo kong mukha.
Huminto ako sa pagtakbo at kinuha
