Chapter Twenty Three
Love me
“ADDIESON!”
Natinag ako mula sa pagtitig kanila Sander at Ellis nang maramdaman ko ang mahinang pagpisil sa braso ko mula sa ina kong kanina pa yata ako kinakausap ngunit wala akong naintindihan ni isang salita sa sinabi niya.
“A-ano ‘yon, Mommy?”
“Let’s go to our table!” May iritasyon sa mga matang sagot ni Mommy na agad ngumiti sa bumati sa kanyang lalaki.
Habang niyayakag ako ni Mommy ay tila may sariling buhay ang mga mata kong napupunta pa rin ang tingin sa dalawa. Hindi ko maiwasang mapasimangot dahil sa pagkairita sa malanding ngiti ni Ellis at sa kamay niyang humahaplos sa braso ni Sander. Ang huli naman ay tila walang pakialam sa pangmamanyak sa kanya ni Ellis at patuloy pa rin sa pakikipag-usap.
Wala na bang mas ikasisira ang gabi kong ito?
