FLASHBACK continued...
NAKAPAGLUTO kami ng maayos at inihaw ang mga huling isda pati na ang binabad na karne. Nagluto din kami ng kanin at naglaga ng patatas at kamote. Ang kangkong ay pinakuluan at isinantabi. Masayang nagkainan ang lahat at nang oras ng siesta ay kanya kanyang hanap ng pwesto ang mga ito. Malayo ang antok sa akin at maging si Anita ay mulat pa.
"Gusto mo ba ng mangga?" tanong nito sa akin.
"Nagbaon ka?"
Tumango ito. "Hindi ito galing sa kusina. Bigay ito sa akin ni Alicia. Nangalakyat sila ng puno ng mangga kahapon. Nagpabaon ng dalawa para tig-isa daw tayo."
Si Alicia ay labing dalawang taong gulang pa lamang at nasawi ang ina nito sa panganganak. Usap usapan ay wala itong nakilalang ama kaya dinala sa ampunan noong sanggol pa lamang. Tahimik lang ito noong una
