NANG matapos si Lana sa pagsasalaysay ng nangyari sa kanya ay hilam na sa luha ang aking mga mata. Paano n'ya natiis na masunog ng buhay para lamang makasama ang taong minamahal n'ya? Wagas ang pag-iibigan nila ni Alaric kung ganoon.
"Lana, hanga ako sa iyong katatagan sa lahat ng nangyari," sabi ko sa kanya.
"Ginawa ko lang ang lahat ng pwede kong gawin para makasama ko s'ya, Kastel. Nararamdaman ko, malapit na kaming magkitang muli. Salamat at pumayag kang tulungan ako," nakangiting sagot n'ya sa akin.
"Nalaman mo ba kung sinong pumatay sa kanya?" tanong ko sa kanya habang nagpapahid ng luha. Ang pesteng mata ko at parang gripo, ayaw tumigil ang pagpatak.
Umiling ito. "Hanggang ngayon ay hindi ko pa rin alam kung sino. Nakasagutan n'ya si Argenta pero hindi ibig sabihin no'n ay pap
