Flashback continued. . .
LUMIPAS ang anim na buwan at naging maganda ang takbo ng aming munting negosyo ni Anita. Iba na ang ayos ng bahay sa loob. Marunong din palang manahi itong si Anita sa kapapanood kina Madam. Kaya nang may sapat na kaming kita ay bumili kami ng tela at ginawa n'yang kurtina. Hindi na lang gulay at prutas ang paninda namin ngayon, bukod sa itlog ay nagtitinda rin kami ng mga rosas at orkidyas. Ang gaganda ng kulay ng mga ito kaya naman tuwang tuwa ang mga mamamayan na bumili sa amin. Palagi kaming nagtatabi ng ilang piraso at idinadaan sa kapilya.
Ngayong araw ng Miyerkules ay masakit ang aking ulo kaya si Anita lamang ang tumulak papuntang bayan. Kaya na daw n'yang mag-isa. Palubog na ang araw nang bumalik s'ya sa bahay. Kagigising ko lamang at pababa ng hagdan n
