Flashback continued. . .
MATULING lumipas ang mga araw at bumilang ng ilang buwan, mat'yagang bumibisita sa akin si Alaric ng walang patid. At dahil alam kong totoo ang nararamdaman n'ya at ipinapakita sa akin ay isang bagay na lang ang kailangan kong gawin bago ko ibigay sa kanya ang aking puso. Kung matatanggap n'ya ako pagkatapos nito ay naniniwala na akong s'ya ang nakatakda para sa akin. Hindi ko pa naiitanong kay Nanay o kay Parisa kung kasama ako sa kundisyon na bawal umibig o naputol na ito noong una akong mamatay.
"Alaric, may gusto akong sabihin sa iyo. Maging bukas sana ang isip mo at kung pagkatapos nito ay magbago ang isip mo tungkol sa akin, tatanggapin ko," sabi ko sa kanya. Nandito kami sa bakuran at may sikat pa ng araw bagamat papalubog na. Si Anita ay nagpapahinga at n
