Flashback continued. . .
KANINA pa ako pauli uli ng lakad dito sa salas habang naghihintay ng pagdating ni Alaric. Ang sabi ko kasi sa kanya ay ako na lang ang pupunta dahil mapagod kung susunduin n'ya ako tapos babalik kami uli sa bahay n'ya. Hindi lang 'yon, ihahatid na naman n'ya ako pauwi.
"Sumama ka na kaya? Para hindi na rin ako ihatid pauwi ni Alaric?" tanong ko kay Anita. Gumagawa ito ng bagong punda.
Napatawa ito. "Ano ka ba naman, hindi kalayuan ang bahay nila mula dito at mas malayo pa nga ang kabayanan. Isa pa, sa taglay mong kapangyarihan. . . ngayon ka pa ba naman aatakihin ng nerb'yos?" naiiling na sabi nito.
Napangiwi ako. Sino ba naman ang hindi nenerb'yosin kung makakaharap mo ang isa sa pamilya ng mahal mo? Madami akong tanong katulad ng paano kung hindi n'ya ako
