Chapter 12
ALMIRA
Nanginginig ang palad ko habang isa-isang binubunot ng tweezer ni Samuel ang mga nakabaon na bubog sa. aking pala. Nilagyan naman ng betadine ni Ashley ang aking tuhod.
"Ang tanga-tanga mo kasi, Almira! Alam mo naman na may mga basag na plato sa sahig lumuhod ka pa talaga. Lalagyan ko ito ng gasa para matakpan ang sugat mo at hindi magka-infection,’’ sermon pang sabi ni Ashley sa akin.
Nakatingin lang ako sa matapang na mukha ni Samuel.
"Akala ko kasi sasampalin mo ako," mahina kong sabi kay Ashley.
"Duh! Kung ginawa ko iyon matagal na sana kitang sinampal dahil sa katangahan mo kau Kuya. Siya nga pala nagkita kami ni Romeo. Tinatanong niya kung saan ka raw mag-aaral,’’ nakaismid na pagbabalita ni Ashley sa akin habang nilalagyan niya ng gasa ang tuhod ko.
“Si Rom
