Patuloy akong humikbi nang dahil sa alaalang iyon. Hindi ko makalimutan ang mukha niya ng tanggapin ang regalo niya sa mismong gabi ng Christmas party namin. At kahit na hindi ko ito sabihin na galing sa akin, alam kong alam niya na ako ang naglagay noon sa table ng regalo. Pangalan ang nakalagay doon ng tatanggap at nakita ko ang ginawa niyang paglingon sa akin nang ipatong ko doon ang aking dalang regalo.
“Sinong nabunot mo, Sanna?” usisa agad ni Alma nang maupo ako sa table kasama nila.
“Bakit ko sasabihin?”
“Kasi sinabi namin sa'yo ang sa amin?” si Azky na sinundan iyon nang malakas niyang tawa.
“Huwag na, bawal nga hindi ba?”
“Bakit? Isa ba iyon sa amin ha?” si Celeste na ang lumitaw pa ang ganda sa estilo ng ayos niya ngayon dahil nagmukha siyang koryana.
Hindi ako sumagot. H
