Ilang beses na akong umiling nang hindi ibinabaling ang tingin sa kanya bilang tugon. Tahimik na dinadampot ko na doon si Potchi. Una pa lang ay wala na akong planong sabihin sa kanila ang totoong nangyari dahil tiyak na sasama si Nicko sa kanilang paningin ni Kuya Roelle. Ayoko namang magdulot pa iyon ng hindi nila pagkakaintindihan dahil lang aking sinabi sa kanila. Bahala nang sila na lang ang maka-discover ng lahat. Hahayaan kong panahon na lang ang magsabi noon sa kanila. Magiging bulag at bingi na lang siguro ako sa kanilang harapan kahit pa nangangati na akong sabihin ang tungkol dito kay Mama. Doon naman ako magaling, ang magpanggap at magkunwaring balewala lang ang lahat.
“Anong ibig mong sabihin, Sanna? Hindi ba kayo nagkita? Akala ko ba ay sinundan mo siya kagabi dahil nag-aala
